түйіспесіз жарғыштар

(Неконтактные взрыватели)

нысанадан белгілі бір қашықтықта және биіктікте ракетаның, торпеданың, миналардың және т.б. жарғыш заттарын жаруға арналған автоматтандырылған қондырғы (механизм). Т.ж-дың жұмыс жасау принципі нысанадан шығатын (сәулеленетін) дыбыстық және басқа да тербеліс-тердің энергиясын қабылдауға немесе нысанадан түскен, жарғыштардан сәулеленген электромагнитті және басқа да тербелістерді қабылдауға негізделеді. Жару үшін қолданылатын энергияның түріне қарай Т.ж. радиолокациялық, акустикалық, жылу (инфрақызыл) магниттік және т.б. болып бөлінеді. Т.ж. нысананы жою мүмкіндігін (100%) арттыратын болғандықтан, зенитті ракеталарда, торпедаларда және басқа да оқ-дәрілерде кеңінен қолданылады. Басқару сигналдарын алу үшін қолданылатын электромагнитті толқындардың алғашқы көзінің орналасқан жеріне байланысты Т.ж. активті (жарғыш нысананы сәулелендіріп, одан түскен сигналдарды қабылдайды), жартылай активті (нысанадан басқа көздер арқылы сәулеленіп, жарғыш түскен сигналдарды қабылдайды), пассивті (жарғыш нысана шығарған сигналдарды қабылдайды) болып бөлінеді.